మనసున్న మంచి మారాజు సీఎం కేసీఆర్…

మనసున్న మంచి మారాజు సీఎం కేసీఆర్…

  1. హైదరాబాద్ వరద బాధితులకు భారీ సాయం…
  2. రూపాయల 550 కోట్ల తక్షణ విడుదలకు ఆదేశాలు. ..
  3. సర్వం కోల్పోయిన బాధితులకు ఊరటనిచ్చే ల ప్రభుత్వ చ‌ర్య‌లు…
  4. దండాల‌య్యా అంటూ సీఎం కేసీర్‌ను కీర్తిస్తున్న బాధితులు…

భారీ వరదల వల్ల తీవ్రంగా దెబ్బతిన్న హైదరాబాద్ వాసులను ఆదుకునేందుకు తెలంగాణ ముఖ్యమంత్రి గౌరవ శ్రీ కల్వకుంట్ల చంద్రశేఖరరావు నడుంబిగించారు. క‌రోనాతో ఆర్థిక పరిస్థితి అంతంత మాత్రంగానే ఉన్న పేదలకు సాయం అందించే విషయంలో తన గొప్ప మనసులో మరోసారి చాటుకున్నారు. వరదల్లో సర్వం కోల్పోయి ఇబ్బందులు పడుతున్న వారికి తక్షణ నగదు సాయం అందించడంతో పాటు వారికి రిలీఫ్  కిట్‌ అందించి తాను పేదల పెన్నిధి అని మరోసారి నిరూపించుకున్నారు. సంక్షోభ సమయంలో తనలోని సమర్థత ఏంటో మరోసారి దేశానికి రుచి చూపించారు. వందేళ్లలో కనీవినీ ఎరుగని రీతిలో కురిసిన వర్షాల వల్ల హైదరాబాద్ మొత్తం నీట మునిగి ప్రజలంతా అవస్థలు పాలన సంగతి తెలిసిందే. ఇల్లు కోల్పోయి విలువైన వస్తువులు ఖ‌రాబై, కనీసం తిండిలేని బాధితులను ఆదుకునేందుకు సీఎం కేసీఆర్ గొప్ప మనసును చాటుకుంటున్నారు.

ఇప్పటికే సుదీర్ఘ సమీక్షలతో అధికారులను అప్రమత్తం చేసిన సీఎం కేసీఆర్ బాధితులకు అండగా నిలిచేందుకు వేగవంతమైన చర్యలు తీసుకుంటున్నారు. గతంలో వరదలు వచ్చినప్పుడు అంతా అయిపోయాక తీరిగ్గా తమరను పరామర్శించడానికి వ‌చ్చే నేత‌ల‌ను చూసిన జ‌నం.. తమను ఇతం వేగంగా, బాధ్యాత‌యుతంగా ఆదుకున్న సీఎం కేసీఆర్ లాంటి వ్యక్తులను ఎప్పుడూ చూడలేదని, ప్రజలంతా వేనోళ్ల‌ పొగుడుతున్నారు. ప్రజలు బాధలతో ఇబ్బంది పడుతుంటే వాళ్లను ఆదుకోవడం తప్పించి ప్రభుత్వానికి మరే పని లేదని సీఎం కేసీఆర్ స్వయంగా చెప్పడం ద్వారా బాధితుల్లో ఎంతో ఊరట లభించినట్లయింది. 550 కోట్ల రూపాయలను అవసరం ఉన్న ప్రజలకు పంచి పెట్టడం ద్వారా వాళ్ల జీవన మనుగడకు మరింతగా ముందుకు తీసుకెళ్లనున్నారు. వరదల కారణంగా సర్వం కోల్పోయి బిక్కుబిక్కుమంటున్న ప్రజలకు ఊరటనిచ్చే లా సీఎం కేసీఆర్ తీసుకున్న చర్యలకు సర్వత్రా ప్రశంసలు వ్యక్తమవుతున్నాయి. పాలకుడు స్థానంలోని నాయకునికి మనసులో కాస్త తడి ఉండాలని ప్రజలకు కష్టాలు ఎదురైనప్పుడు వాటిని తీర్చి ఓదార్పును అందించాలని సీఎం కేసీఆర్ దేశంలోని మిగతా రాష్ట్రాలకు ఒక మార్గ‌ద‌ర్శ‌కాన్ని ఈ విధంగా చూపించారు.

ఎడతెరిపిలేని వర్షాలతో అతలాకుతలమైన హైదరాబాద్ వాసులకు ముఖ్యమంత్రి కేసీఆర్ ఆర్థిక సాయం ప్రకటించారు. నగరంలో వరద ప్రభావానికి గురైన వారిని అన్ని విధాలుగా ఆదుకుంటామని స్పష్టం చేశారు. వరద ప్రభావానికి గురైన ప్రతి ఇంటికి రూ.10,000 చొప్పున ఆర్థిక సాయం అందించనున్నట్లు తెలిపారు. మంగళవారం (అక్టోబర్ 20) ఉదయం నుంచే ఈ ఆర్థిక సాయం అందించనున్నట్లు చెప్పారు. పేదలకు సాయం అందించడం కోసం మున్సిపల్ శాఖకు రూ.550 కోట్లు తక్షణమే విడుదల చేస్తున్నట్లు సీఎం కేసీఆర్ ప్రకటించారు. ఇల్లు పూర్తిగా కూలిపోయిన వారికి లక్ష రూపాయలు, పాక్షికంగా దెబ్బతిన్న వారికి రూ.50,000ల చొప్పున పరిహారం అందించనున్నట్లు సీఎం కేసీఆర్ తెలిపారు. భారీ వర్షాలకు దెబ్బతిన్న రహదారులకు వెంటనే మరమ్మతులు చేపడతామని.. మౌలిక సదుపాయాల కల్పనకు యుద్ధ ప్రాతిపదికన చర్యలు తీసుకుంటామని చెప్పారు. బాధితుల ప‌ట్ల సీఎం కేసీఆర్ ఔద‌ర్యానికి జ‌న‌మంతా జేజేలు ప‌లుకుతున్నారు.
మ‌రోవైపు న‌గ‌రాన్ని భారీ వర్షాలు ఇంకా వణికిస్తున్నాయి. ముఖ్యంగా భాగ్యనగరాన్ని భారీ వరద ముంచెత్తింది. వందల సంఖ్యలో ఇళ్లు నీట మునిగాయి. చెరువులు, వాగులు, వంకలు పొంగి పొర్లడంతో ప్రజలు నానా ఇబ్బందులు పడ్డారు. పదుల సంఖ్యలో జనం ప్రాణాలు కోల్పోయారు. ఇళ్లలో ఉంచుకున్న నిత్యవసరాలు, అనేక వస్తువులు నీట మునిగాయి. ఇంట్లో ఉన్న ఫర్నీచర్ సైతం నీటిపాలు అయ్యింది. దీంతో అనేకమంది ప్రజలు కట్టుబట్టలతో రోడ్డుపై నిలిచారు. డ్రైనేజీలు పొంగిపొర్లాయి. తాగునీటి పైపులైన్లు ధ్వంసమయ్యాయి. విద్యుత్‌ స్తంభాలు, చెట్లు నేలకొరిగాయి. ట్రాన్స్‌ఫార్మర్లు కాలిపోయాయి.
పలు విభాగాల ప్రాథమిక అంచనా ప్రకారం గ్రేటర్‌లో వరదల నష్టం ఏడువందల కోట్లు దాటింది. అధికారుల అంచనా ప్రకారం రూ.724 కోట్లుగా తేలింది. అయితే నష్టం మరింత పెరిగే అవకాశం కూడా ఉందని అధికారులు భావిస్తున్నారు. వరదలతో ఎక్కువ నష్టం జీహెచ్‌ఎంసీకి జరిగింది. వరద ఉధృతికి నగరంలో 523 కి.మీల మేర రహదారులు పాడయ్యాయి. వీటి మరమ్మతుకు కి.మీకు సుమారు కోటి చొప్పున రూ.522 కోట్లు ఖర్చవుతుందని ఇంజనీరింగ్‌ విభాగం అధికారులు అంచనా వేశారు. 101 ప్రాంతాల్లో వరద నీటి పైపులైన్లు, నాలాలకు జరిగిన నష్టం రూ.54 కోట్లుగా పేర్కొన్నారు. 45 ప్రాంతాల్లో నిర్మాణ రంగ వ్యర్ధాలు, బురద ఉన్నట్టు గుర్తించగా… 25 ప్రాంతాల్లో తొలగింపు పనులు పూర్తయ్యాయని అధికారులు చెబుతున్నారు.
మరోవైపు వరద బాధితుల కోసం సహాయక చర్యలు, పునరావాస కేంద్రాల ఏర్పాటు, మరమ్మతు పనులు, మృతుల కుటుంబాలకు పరిహారం నిమిత్తం వివిధ విభాగాలు ఇప్పటికే రూ.60 కోట్లు ఖర్చు చేశాయి. జీహెచ్‌ఎంసీ రూ. 659 కోట్లు, వాటర్‌బోర్డు రూ.45 కోట్లు, టీఎస్‌ఎస్‌పీడీసీఎల్‌ రూ.20 కోట్లు నష్టం వాటిల్లింది. మొత్తం నష్టం రూ. 724 కోట్లుగా అంచనా వేశారు. నగరంలో మంగళవారం తెల్లవారుజామునుంచి పలు ప్రాంతాల్లో మోస్తరు వర్షం కురుస్తోంది. దీంతో అధికారులు మరింత అప్రమత్తం అయ్యారు. ముంపు ప్రాంతాల ప్రజలు సురక్షిత ప్రాంతాలకు తరలివెళ్లాలన్నారు. ఏదేమైనా సీఎం కేసీఆర్ ఆదేశాల‌తో అధికారులు కాలుకు బ‌ట్ట క‌ట్ట‌కుండా తిరుగుతున్నారు. జ‌న‌జీవనాన్ని సాధార‌ణ స్థితికి తెచ్చేందుకు తీవ్రంగా శ్ర‌మిస్తున్నారు. కేసీఆర్ లాంటి స‌మ‌ర్థుడైనా నాయకుడు ఉంటే సంక్షోభాల్లోనూ ప్ర‌జ‌ల‌కు ఇబ్బందులు లేకుండా చేయ‌వ‌చ్చ‌ని నేర్చుకున్నామ‌ని న‌గ‌ర అధికారులు పేర్కొంటున్నారు. ఏదేమైనా వందేళ్లలో ఎన్న‌డూ లేని విధంగా చెల‌రేగిన వ‌రద రక్క‌సిని త‌రిమి కొట్ట‌డంతోపాటు, బాధితుల‌కు త‌క్ష‌ణ సాయం అందించిన సీఎం కేసీఆర్ వేనేల దండాలు. జై కేసీఆర్ .. జైజై తెలంగాణ‌