20 ఏళ్ల క్రితం మొలిసిన గులాబీ జెండానే ఇప్పుడు తెలంగాణ ప్రజల పాలిట అండ.

20 వసంతాలు పూర్తి చేసుకొనున్న తెలంగాణ ప్రజల పార్టీ టిఆర్ఎస్ పార్టీ.
ఉప్పెనలా ఎగిసిన ఉద్యమం దగ్గర నుంచి తెలంగాణ పునర్నిర్మాణం వరకు అడుగు అడుగు లో తన ముద్రను వేసిన సీఎం కేసీఆర్.
20 ఏళ్ల క్రితం మొలిసిన గులాబీ జెండానే ఇప్పుడు తెలంగాణ ప్రజల పాలిట అండ.

భారత దేశ రాజకీయాల్లో తెలంగాణ రాష్ట్ర సమితికి ఒక ప్రత్యేకమైన గుర్తింపు ఉంది.20 ఏళ్ల క్రిందట ఉద్యమ పార్టీగా మొదలుపెట్టిన తన ప్రస్థానాన్ని ఆరు సంవత్సరాలుగా తెలంగాణ పునర్నిర్మాణంలో అంకితమైన గౌరవనీయులైన తెలంగాణ ముఖ్యమంత్రి శ్రీ కల్వకుంట్ల చంద్రశేఖర రావు గారి ఆధ్వర్యంలో విజయవంతంగా 20 వసంతాలు పూర్తి చేసుకుంది. అప్పటికే తెలంగాణ పేరు చెప్పుకొని పదవులు అనుభవించిన రాజకీయ పార్టీలకు భిన్నంగా మొదలైన కెసిఆర్ గారి ప్రస్థానం.ఉద్యమంలో భాగంగా తను తెలంగాణ రాష్ట్రాన్ని సాధించుకుంటే రాళ్ళతో కొట్టి చంపండి అని తన ఆలోచన విధానాన్ని అప్పుడే స్పష్టం చేశారు.

ఓ వైపు సీమాంధ్ర దోపిడీ దారులను ఎదురిస్తూనే మరోవైపు బతుకుదెరువు కోసం వచ్చిన సీమాంధ్ర ప్రజలను మొదలుకొని అన్ని రాష్ట్రాల నుంచి బతుకుదెరువు కోసం ఇక్కడకి వచ్చిన వారందరిని ఇక్కడే పుట్టిన వారిగా గుర్తించి అక్కున చేర్చుకుంటూ తనది ఎంత విశాలమైన హృదయమో అప్పుడే తెలియజేయడం జరిగింది. తెలంగాణ రాష్ట్రంలోని ద్వితీయశ్రేణి పౌరులుగా ఉన్న తెలంగాణ బిడ్డల నిర్వేదాన్ని తీర్చడానికి తెలంగాణ రాష్ట్ర ఏర్పాటే మార్గమని బలంగా నమ్మిన సీఎం కేసీఆర్ దాన్ని సాధించే వరకూ మాట తప్పలేదు మడమ తిప్పలేదు.

2001 ఏప్రిల్ 27న టిఆర్ఎస్ పార్టీ ఆవిర్భావం జరిగిన 20 రోజుల్లోనే కెసిఆర్ కరీంనగర్ లో నిర్వహించిన సభ తెలంగాణ ప్రజల ఆకాంక్ష ఎంత బలంగా ఉందో తెలియజేసింది. దాంతోపాటే జరిగిన వరంగల్ సభ, సిద్దిపేట ఉద్యోగ సభ మరియు తెలంగాణ రాష్ట్రం సాధించి ఒక టర్మ్ అధికారం పూర్తి చేసి దాన్ని ప్రజలకు తెలపడానికి ప్రగతి నివేదన సభ పేరుతో జరిపి ఒక విప్లవాన్ని సృష్టించింది. ఇదే దేశ రాజకీయాల్లో బలమైన మార్పు తీసుకురావడానికి నాంది పలికింది.తెలంగాణ రాష్ట్ర ఏర్పాటుతో ఏమీ సాధించలేరు అన్న సీమాంధ్ర దోపిడీ దారుల నోటితోనే తెలంగాణ గొప్పతనాన్ని వాళ్లకి తెలియజేసి భారతదేశంలో ఉన్న అన్ని పార్టీలను ఒప్పించి తెలంగాణ రాష్ట్రాన్ని సాధించడం జరిగింది.

ప్రపంచంలో జరిగిన ఉద్యమాలకు భిన్నంగా కూడా తెలంగాణ రాష్ట్ర ఉద్యమం జరిగిందని అనడంలో ఎటువంటి అతిశయోక్తి కూడా లేదు. ఇంత పెద్ద ఎత్తున ఉద్యమం లేచిన కూడా ఒక రక్తపు చుక్క కూడా చిందనివ్వను అని ఆ రోజు సీఎం కేసీఆర్ అన్న మాటలను నిజం చేస్తూ శాంతియుతమైన తెలంగాణను సాధించారు. సస్యశ్యామలంగా దాన్ని ఇప్పుడు చేస్తున్నారు. కాబట్టే రాష్ట్రానికి పెట్టుబడుల వర్షం కురుస్తుంది.సంక్షేమంలో తెలంగాణ రాష్ట్రం మిగతా రాష్ట్రాలకు కూడా అందనంత ఎత్తులో ఉంది. తెలంగాణ రాష్ట్రంలో ప్రారంభించిన సంక్షేమ పథకాలు దేశం మొత్తం అమలవుతున్నాయి.

తెలంగాణ ఉద్యమాన్ని నీరుగార్చడానికి చంద్రబాబు నాయుడు, వైయస్ రాజశేఖర్ రెడ్డి ఎంతగానో ప్రయత్నించారు. ఆరోజుల్లో కరీంనగర్ సాక్షిగా జరిగిన ఎంపీ ఎలక్షన్లలో ఎం సత్యనారాయణ నిల్చోబెట్టి పైసలు వరద పారించాడు అయినా కూడా కరీంనగర్ ప్రజలు తెలంగాణ వాణి ఏంటో అని కెసిఆర్ ను రెండు లక్షలకు పైగా మెజారిటీతో గెలిపించి నిరూపించారు.తర్వాత కాలంలో కేంద్రంలో ఉన్న కాంగ్రెస్ పార్టీ మెడలు వంచి తెలంగాణ రాష్ట్ర ప్రకటన చేయించితే అది సీమాంధ్ర దోపిడీ దారుల వల్ల నిర్ణయం వెనక్కి తీసుకోవాల్సి వచ్చింది.అక్కడి నుంచి తన చాణక్యాన్ని ప్రదర్శన సీఎం కేసీఆర్ దేశంలో ఉన్న అన్ని రాజకీయ పార్టీలను ఒప్పించి తెలంగాణ రాష్ట్రాన్ని సాధించారు.

ఇంతల పోరాడి సాధించిన తెలంగాణ రాష్ట్రం కెసిఆర్ ఆధ్వర్యంలోనే ముందుకు నడుస్తుంది అని నమ్మిన తెలంగాణ ప్రజలు మరియు మేధావుల బలవంతంతో సీఎంగా ప్రమాణ స్వీకారం చేసిన కేసీఆర్ ఆరంభంలో సీమాంధ్ర పెట్టుబడి దారులు మరియు రాజకీయనేతల కుట్రలను తిప్పి కొట్టి దేశంలోనే తెలంగాణ రాష్ట్రాన్ని అన్ని రంగాల్లో ముందు ఉంచి దేశానికి ఒక దశ దిశ ఏర్పర్చాడు. ఈ క్రమంలో 20 సంవత్సరాల క్రితం నాటిన తెలంగాణ రాష్ర్ట సమితి జెండా ఈరోజు తెలంగాణ ప్రజలందరికీ పాలిట అండగా ఉంది. తెలంగాణ ప్రజల ఆకాంక్షలను నెరవేరుస్తూనే ఉంది.