అమిత్ షా.. నాలుగేండ్ల తర్వాత తెలంగాణకు వచ్చి నీతులు చెప్తున్నావా?

ఎన్నికలు వస్తే కాని మీకు తెలంగాణ గుర్తుకు రాదా?

విభజన హామీలపై కేంద్రం ఎందుకు నాన్చివేత ధోరణిని ప్రదర్శిస్తున్నది

ఇప్పుడు అధికారం కోసం తెలంగాణపై భలే కపట ప్రేమ చూపిస్తున్నావు…

అమిత్ షా.. ఇది తెలంగాణ. ప్రజలంతా ఏకమై ఆంధ్రా పాలకులకు ఎదురు తిరిగి.. కష్ట పడి తెచ్చుకున్న ప్రత్యేక రాష్ట్రం. నువ్వు చెప్పే కల్లి బొల్లి మాటలు వినడానికి తెలంగాణ ప్రజలేమన్నా అమాయకులనుకుంటున్నావా? ఇది తెలంగాణ. అసలు తెలంగాణలో బీజేపీ అనే పార్టీ ఒకటి ఉన్నదా? తెలంగాణ పల్లెల్లోకెళ్తే బీజేపీ అన్న పదమే వినిపించదు. మీరు కేంద్రంలో అధికారంలో ఉన్నంత మాత్రాన తెలంగాణలో బీజేపీ పార్టీ ఉందనుకుంటున్నావా? ఎప్పుడో చుట్టం చూపుగా తెలంగాణకు వచ్చి వెళ్తే నీ పార్టీని తెలంగాణ ప్రజలు గెలిపిస్తారనుకుంటున్నావా?

2014 ఎన్నికల ప్రచార సమయంలో తెలంగాణలో కనిపించావు. మళ్లీ కనిపించలేదు. ఇప్పుడు మళ్లీ ఎన్నికలు సమీస్తున్నాయి కాబట్టి మళ్లీ తెలంగాణకు వచ్చావు. అంటే.. నువ్వు కేవలం ఎన్నికలు ఉంటేనే తెలంగాణకు వస్తావు. లేకపోతే రావు. అంటే మీపార్టీకి కావాల్సింది అధికారం మాత్రమేనా. తెలంగాణ ప్రజల సంక్షేమం పట్టదా? కొత్తగా పుట్టిన రాష్ట్రం. ఏనాడైనా తెలంగాణను పట్టించుకున్నారా మీరు. ఏ మొహం పెట్టుకొని ఇప్పుడు తెలంగాణకు వచ్చారు. ఏం మనుషులు మీరు. ఇప్పుడు శుద్ధపూసల్లెక్క మాట్లాడుతున్నరు.

కనీసం తెలంగాణ బీజేపీ నాయకులు కూడా ఏనాడూ తెలంగాణ ప్రజల సంక్షేమాన్ని పట్టించుకోలేదు. ఎక్కడో పాతాళంలో ఉన్న తెలంగాణను అహర్నిషలు కృషి చేసి సీఎం కేసీఆర్ అభివృద్ధి పథంలోకి తీసుకొచ్చారు. ఒక్కరంటే ఒక్కరు సాయం చేశారా? అందరూ ఎత్తిపొడిచేవారే కానీ.. సాయం చేసే చేతులు లేకున్నా ఒంటి చేత్తో సీఎం కేసీఆర్ దేశమంతా తెలంగాణ గురించి చర్చించేలా చేశారు. దేశమే తెలంగాణను మెచ్చుకుంటున్నది. కేంద్రమే మెచ్చుకున్నది కదా అమిత్ షా తెలంగాణ పథకాలను చూసి. ఇప్పుడు నువ్వొచ్చి తెలంగాణ ప్రభుత్వపై విమర్శలు గుప్పిస్తున్నావు. ఊసరవెల్లులకు తాతల్లా ఉన్నారు మీరు.

ఒకే పార్టీకి చెందిన వారిలో కొంతమంది మెచ్చుకోవడం.. కొంతమంది విమర్శించడం.. ఇదేం రాజకీయం. ఇదేం ఆట. మీకే చెల్లుతుందనుకుంటున్నారా అమిత్ షా. తెలంగాణలో ప్రవేశపెట్టిన ఒక్క పథకమైనా మీరు కేంద్రంలో అమలు చేశారా? తెలంగాణ ప్రజలు ఏనాడూ మీమీద ఆశ పడలేదు. సీఎం కేసీఆర్ కూడా కేంద్రం మీద ఆశ వదిలేశారు. తమకు తోచిన విధంగా తెలంగాణను అభివృద్ధి చేసుకుంటుంటే ఇప్పుడు నువ్వొచ్చి పెద్ద నాటకాలు ఆడుతున్నావు. తెలంగాణను ఏమాత్రం